لیکنې
روغتیایي پیغام!
درنو هیوادوالو!
له هغو کارونو ډډه وکړئ، چې سرته يې رسولی نه شئ، ځکه چې په ورځنيو کارونو کې نارسايي د رواني او ټولنيزو گډوډيو سبب کېږي.
روغتیايي پیغام!
د تنباکو ټول ډولونه روغتیا ته زیان رسوي؛ له کارولو څخه یې ډډه وکړئ او د پرېښودلو لپاره له روغتیايي مسلکي کارکوونکي سره مشوره وکړئ.
تنباکو په نه کارولو سره خپله او د ټولنې روغتیا وساتئ!
روغتیايي پیغام!
هیپاټایټس B د ځیګر یوه ویروسي ناروغي ده چې د اخته کس د وینې او ځینو بدني مایعاتو له لارې روغ کس ته انتقالېږي. د واکسین له لارې د دې ناروغۍ مخنیوی کېدای شي؛ نو د هیپاټایټس B واکسین په ټاکلي وخت ترلاسه کړئ.
د هیپاټایټس B پر وړاندې واکسین، د روغتیا لپاره خوندي ګام!
روغتیايي پیغام!
مېوې او سابه اړین ویټامینونه، منرالونه او فایبر لري او د سالمې روغتیا په ساتلو کې مهم رول لري. هڅه وکړئ، چې په ورځنيو خوړو کې مو بېلابېلې مېوې او تازه سابه شامل کړئ.
ميوې او سابه؛ پياوړې روغتيا!
روغتیايي پیغام!
هره ورځ متوازن خواړه وخورئ، ترڅو بدن مو په کافي اندازه پروټین ترلاسه او روغ پاتې شئ.
سالم خواړه، سالم بدن!
روغتیايي پیغام!
د وینې لوړ فشار ډېر وخت څرګندې نښې نه لري؛ خپل فشار په منظم ډول وګورئ، مالګه کمه وکاروئ، سالم خواړه وخورئ او فزیکي فعالیت وکړئ؛ ترڅو روغ پاتې شئ.
د وینې لوړ فشار وخت پر وخت معاینه کړئ!
روغتیايي پیغام!
نری رنځ یوه ساري ناروغي ده، چې ډېری وخت سږي اغېزمنوي او د ټوخي او پرنجي له لارې له ناروغ کس څخه روغ کس ته لېږدېدای شي. که پر وخت يې تشخیص او درملنه وشي، ناروغ په بشپړه توګه رغېدای شي.
روغتیايي پیغام!
نری رنځ یوه ساري ناروغي ده، چې ډېری وخت سږي اغېزمنوي او د ټوخي او پرنجي له لارې له ناروغ کس څخه روغ کس ته لېږدېدای شي. که پر وخت يې تشخیص او درملنه وشي، ناروغ په بشپړه توګه رغېدای شي.
روغتیايي پیغام!
سینه بغل د سږو یوه انتاني ناروغي ده، چې ماشومان له جدي روغتیايي ستونزو سره مخ کولای شي. ټوخی، تبه او د ساه اخیستلو ستونزه یې له مهمو نښو څخه دي، د دغو نښو په څرګندېدو سره ماشوم ژر روغتیايي مرکز ته يوسئ.
د سینه بغل درملنه مه ځنډوئ!
