لیکنې
روغتیايي پیغام!
د خوراکي توکو د ساتنې لپاره له سرپوښ لرونکو لوښو څخه، چې د خوراکي توکو د پاک ساتلو یوه ښه لاره ده کار واخلئ؛ تر څو ناروغ نه شئ.
روغتیايي پیغام!
د چاغوالي، شکر ناروغۍ او د وینې لوړ فشار د مخنیوي لپاره له ډېرو غوړو او خوږو خوړو څخه ډډه وکړئ
روغتیايي پیغام!
په ګرځنده ټیلیفون کې د اوږدې مودې لپاره له مکالمې ډډه وکړئ؛ څو د برېښنايي مقناطیسي څپو له زیانونو څخه خوندي پاتې شئ.
روغتیایي پیغام!
مېوې او سبزیجات د خوړلو له مخه ومینځئ او د میکروبونو د له منځه وړلو لپاره یې د کلورین یا پتاشیم پرمنګنیټ په محلول کې د ۳۰ دقیقو لپاره کېږدئ؛ څو له میکروبونو پاک او ستاسې د ناروغ کېدو لامل نه شي.
روغتیايي پیغام!
تل له ماشومانو څخه څارنه وکړئ، چې د ناپوهۍ له امله ځان او یا نورو ماشومانو ته زیان ونه رسوي؛ څو په راتلونکي کې د هغوی د معلولیت لامل نه شي.
روغتيايي پيغام!
د نري رنځ څخه د مخنیوي لپاره مو نوی زیږېدلی ماشوم ژر تر ژره روغتیايي مرکز ته یوسئ او د نري رنځ واکسین ورته وکړئ.
روغتيايي پيغام!
په ککړه هوا کې ښار ته له غیر ضروری تګ راتګ څخه ډډه وکړئ، ماسک وکاروئ، کور ته د رسېدو وروسته حمام وکړئ او د هوا ککړتیا کمولو لپاره؛ د امکان تر حده له عامه ترانسپورټي وسایلو څخه کار واخلئ.
روغتيايي پيغام!
هېڅکله د یو ناروغ درمل بل ناروغ ته مه ورکوئ، ښایي د هغوی ناروغي یوله بل سره توپير ولري او د جدي روغتیايي ستونزو لامل شي.
