هرات ولایت کې ۲۷۰۰ کیلو ګرامه له نېټې تېر، تقلبي او فاسد خوراکي توکي راټول شول
د هرات عامې روغتیا ریاست د خوراکي توکو تولیدي او وارداتي تاسیساتو د څارنې عمومي مدیریت مسؤلینو د یاد ولایت د ۵ ناحیې اړوند بهزاد سړک او د متحد برادران مارکېټ کې له ۹ زیرمتونو او د خوراکي پلورنځیو څخه نظارت ترسر کړ.
په دې نظارت کې ۲۵ قلمه توکي چې ټولټال ۲۹۴ بستې کېدل او وزن یې نږدې ۲۷۰۰ کیلو ګرامه دی، راټول او د قانوني پړاوونو تر بشپړېدو وروسته به له منځه یووړل شي.
همدارنګه، د خوراکي توکو ۲ زیرمتونه هم د ګڼ شمېر نېټې تېرو توکو د شتون له امله وتړل شول.
