د عامې روغتیا وزارت له لوري د دایکندي ولایت د روغتیايي خدمتونو د پیاوړتیا او پراختیا په موخه له BARAN مؤسسې سره تړون لاسلیک شو
د عامې روغتیا وزارت له لوري د دایکندي ولایت اوسېدونکو لپاره د روغتيايي خدمتونو پياوړتيا او پراختيا په موخه له Bu Ali & Rehabilitation Aid Network- BARAN مؤسسې سره د (۴۳۱۴۳۱۳) څلور میلیونه درې سوه څوارلس زره درې سوه دیارلس ډالرو په ارزښت تړون لاسليک شو
دا تړون د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یو کال لپاره لاسليک شو، چې له مخې به یې د یاد ولایت (۵۶۹۲۱۳) تنه اوسېدونکي د ۵۵ روغتیايي مرکزونو او ۳۷۳ روغتیايي ځالو (FHH) له لارې له اساسي روغتیايي خدماتو برخمن او (۱۳۷۷) تنو ته به په روغتیايي برخه کې د کار زمينه هم برابره شي.
بل لور، د BARAN مؤسسې استازو هم ډاډ څرګند کړ، چې ياده پروژه به د یو کال په ترڅ کې د ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
