غور ولایت کې له یو شمېر روغتیایي کتنځایونو، درملتونونو او د خوراکي توکو پلورنځیو څخه نظارت ترسره شو
دغه نظارت چې د غور ولایت د عامې روغتیا ریاست د څارنې او پلټنې مسؤلینو له لوري ترسره شو، پایله کې یې ۷ درملتونونه د قانوني جوازونو نه لرلو له امله وتړل شول او ۹ قلمه له نېټې تېر او بې کیفیته خوراکي توکي راټول او د له منځه وړلو په موخه مرکزي ګودام ته ولېږدول شول.
دغه راز، د یاد نظارت په ترڅ کې اړوندو مسؤلینو ته د روغتیایي قوانینو د مراعتولو او شفري نسخو څخه د مخنیوي په موخه لازمې سپارښتنې وشوې، چې د سرغړونې په صورت کې به له قانوني چلند سره مخ شي.
