په کابل کې د روغتیایي علومو انسټیټیوټونو فارغانو د ایګزيټ ازموینې خبرتیا!

د عامې روغتيا وزارت خبر ورکوي، چې په کابل کې د روغتیایي علومو انسټیټیوټونو هغه فارغان، چې د عامې روغتیا وزارت سره یې نوملیکنه کړې او شهرت یې په مل لینک کې شتون ولري، د کارتونو وېش، بایومټریک معلوماتو ثبت او ازموینه یې د لاندې مهالوېش سره سم تر سره کېږي.

یادونه: نوماندان دې خپل ټول معلومات په دقیقه توګه چک کړي، د ستونزې په صورت کې کولای شي، چې خپل شکایت د مل لینک له لارې په آنلاین بڼه (د مرغومي/ جدي تر ۱۲ مې) نېټې پورې ثبت کړي.

د کارتونو وېش او بایومټریک معلوماتو ثبت نېټه او ځای:

نرسنګ، فزیوتراپي، راډیولوژي، انستیزي، غاښونو پروتیز.

سهار: (له ۸:۰۰ تر ۱۲:۰۰) بجو

درمل جوړونه، طبي تکنالوژي او سترګو ټکنیشن

ماسپښین: (له ۱:۰۰ تر ۴:۰۰ بجو)

بایومټریک نېټه: (پنجشنبه، د مرغومي/ جدي ۱۸ مه)

ځای: کابل پوهنتون جمنازیم

د ازموینې نېټه: (جمعه، د مرغومي/ جدي ۱۹ مه)

نوټ: له ټولو ګډونوالو څخه جدي غوښتنه کېږي، چې د بایومټریک معلوماتو د ثبت او ازموینې په ورځ اصلي پېژندپاڼه له ځان سره ولري او همدارنګه د بایومټریک معلوماتو ثبت او ازموینې ته پر ټاکلي وخت ځانونه حاضر کړي.

د ازموینې ځای ته د هر ډول الکترونیکي وسایلو (موبایل، ګوشګي، حساب ماشین ...) راوړلو څخه ډډه وکړي.