د عامې روغتیا وزارت د چاپیریال روغتیا ریاست مسؤلینو له لوري د کابل ولایت لسمه ناحیه کې له یو شمېر رسټورانټونو څخه نظارت ترسره شو
یاد نظارت چې موخه د خوراکي توکو خوندیتوب، د حفظ الصحې اصولو مراعتول او د چاپېریال پاکوالی دی، په ترڅ کې یې د رسټورانټونو مسؤلینو او کارکوونکو ته د روغتیایي لارښوونو، پوهاوي او حفظ الصحې مراعتولو په موخه درې ورځنی روزنیز ټریننګ ترسره او هر اړخیز معلومات ورکړل شول.
دغه راز، په یاد نظارت کې د رسټورانټونو مسؤلینو او کارکوونکو ته د روغتیایي کارتونو اخیستلو او حفظ الصحې مراعتولو په موخه لازمې سپارښتنې وشوې، چې د نه مراعتولو په صورت کې به له قانوني چلند سره مخ شي.
