وزیر صحت عامه د هرات د نوې عصري سترګو درملنې روغتون د عملیات خونې د پرانیستې په مراسمو کې ګډون وکړ
د ا.ا.ا. د عامې روغتیا وزیر، ښاغلي مولوي نور جلال جلالي هرات ولایت ته د خپل رسمي سفر په ترڅ کې د سترګو ناروغیو د درملنې تازه رغول شوي روغتون (نور د سترګو درملنې تخصصي روغتون) څخه لیدنه وکړه
په دغه لیدنه کې چې د هرات والي، نور احمد اسلام جار او د عامې روغتیا وزارت څخه راغلي پلاوي شتون درلود، ښاغلي وزیر په یاد روغتون کې د یوې نوې عملیات خونې او د دغه روغتون د بیا رغونې ترسره شویو چارو پرانیسته ترسره کړه.
یاده عملیات خونه چې د پخوا په نسبت لا مجهزه او په عصري ډول رغول شوې د لا زیاتو ناروغانو د درملنې ظرفیت به ولري.
د عامې روغتیا وزیر، د یاد روغتون څخه د لیدنې موخه د هرات اوسېدونکو لپاره د سترګو ناروغیو د درملنې برخه کې د تخصصي خدماتو ارزونه او د دې خدماتو لا پراختیا یاده کړه.
