د څېړنې مېتودولوژۍ د اغېزمنې زده کړې او عملي تطبیق په موخه پنځه ورځنی روزنیز ورکشاپ پیل شو
یاد ورکشاپ د عامې روغتیا وزارت د افغانستان د عامې روغتیا ملي انسټیټیوټ لوی ریاست اړوند د څېړنو او کلینیکي مطالعاتو ریاست مسؤلینو له لوري د عامې روغتیا وزارت د مرکزي روغتونونو ټرینر متخصصینو په شمول، ۲۴ مرکزي کارکوونکو او د ننګرهار، کندوز، بلخ او هرات ولایتونو څلور تنه ټرینر متخصصینو ته د علمي ظرفیت لوړونې، د څېړنیزو اصولو او مېتودونو زده کړې، د څېړنو معیاري کولو او اغېزمنتیا په موخه پیل شو.
په دغه ورکشاپ کې به ګډونوالو ته د څېړنې د پلان جوړونې، معلوماتو راټولولو او تحلیل، د څېړنیزو مقالو لیکلو او د اخلاقي اصولو مراعاتولو برخو کې روزنه ورکړل شي؛ ترڅو ګډونوال د ترلاسه شویو مهارتونو او پوهې په کارولو سره معیاري، باکیفیته او اغېزمنې څېړنې ترسره کړي.
