د ټولو محترمو ساختماني او لوژستیکي شرکتونو د پام وړ:
بلنه!
د عامې روغتیا وزارت غواړي چې د دې وزارت اړوند ټولې ودانېزې، د اجناسو او خدمتونو پروژې په شفافیت سره تر سره او د ازادې داوطلبۍ له مخې مستحقو شرکتونو ته ورکړل شي دا وزارت په پام کې لري چې د یادو پروژو د داوطلبۍ چارې د عقودو نوي قانون په رڼا کې پيل کړي.
له دې کبله اړینه ده چې د عقودو قانون، د ٣١٨ روغتونونو ودانیزو (ساختماني)، د اجناسو او خدمتونو داوطلبۍ چارو او پروژو د ښه تطبیق په موخه لازم مالومات او سپارښتنې د یوې غونډې په ترڅ کې ستاسو محترمو شرکتونو سره شریکې کړي.
نو له تاسې ټولو څخه په درنښت هیله کېږي چې په دې غونډه کې برخه واخلئ.
نېټه: ورځ ٢ بجې (١٤٠٤/٠٧/٠١)
آدرس: د عامې روغتیا څلولارې ته څېرمه، د عامې روغتيا وزارت، د غونډو عمومي تالار
