د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي د کابل طبي پوهنتون، امنیت روغتون، څلورسوه بستريز روغتون او پولیسو روغتون مسؤلینو سره ناسته ترسره کړه
په دې ناسته کې چې د مالي او اداري چارو مرستیال ښاغلي قاري عبدالولي صدیقي او یو شمېر مرکزي رئیسانو شتون درلود، د درملو پېرولو برخه کې د شته ستونزو، په تدارکاتي چارو کې د اسانتیاوو رامنځته کېدو او لا زیات شفافیت، د درملو کیفیت ساتلو او وارداتي او تولیدي چارو څخه یې د لازم څار او کنټرول په اړه بحث ترسره او ګډونوالو خپل نظرونه وړاندې کړل.
د عامې روغتیا وزارت د مالي او اداري چارو مرستیال د یو ګډ تدارکاتي پروسیجر د وړاندیز ترڅنګ، داخلي تولیداتو ته پر لومړیتوب ورکولو، د درملو کیفیت ساتلو او د تدارکاتي پروسو پر شفافیت ټینګار وکړ؛ ترڅو شته ستونزې حل او د خدماتو کیفیت ښه شي.
