د بلخ عامې روغتیا ریاست اړوند پلاستیک او سوختګي جراحي روغتون کې له ۳۰۰۰ ډېرو ناروغانو ته روغتیایي خدمات وړاندې شوي دي
په یاد روغتون د تېرو ۸ میاشتو په ترڅ کې ټولټال ۳۰۲۹ ناروغانو ته سراپا (OPD) خدمات او همدارنګه ۲۲۱ ناروغانو ته داخل بستر (IPD) خدمات وړاندې شوي دي.
سربېره پردې، په دغه موده کې اړمنو ناروغانو ته ۵۰ بېلا بېل بریالي جراحي عملیاتونه هم وړاندې شوي دي.
یادونې وړ ده، چې اوس مهال د دې روغتون مراجعین د پخوا پرتله زیات شوي دي، چې دا د روغتیایي خدماتو ښه والي او په روغتیایي سکتور د خلکو د باور زیاتوالي ښکارندویي کوي.
