د اکمال تخصص لوی ریاست خبرتيا!
د ۱۴۰۵ هـ ش کال د اکمال تخصص پروګرام د ټرینري ازموینې درنو نوماندانو ته خبر ورکول کېږي، چې د د ۱۴۰۵ هـ ش کال د اکمال تخصص پروګرام د ټرینرۍ ازموینه به د ازموینو ملي ادارې په همکارۍ د روان کال د ثور میاشتې په ۶ او ۸ نېټه واخیستل شي.
هغه محترم متخصصین چې د یادې ازموینې لپاره یې په حضوري ډول د اکمال تخصص لوی ریاست د ازموینو امریت کې نوم لیکنه کړې ده؛ د ازموینو ملي ادارې د خبرتیا له مخې به د خپل ایمیل ادرس له لارې د ازموینې اړوند لازم معلومات تر لاسه کړي.
نو له محترمو متخصصینو څخه هیله کېږي، چې د بایومټریک او ازموینې وخت د ډاډ ترلاسه کولو لپاره د ازموینو ملي ادارې وېب سایټ او خپل ایمیلونه وګوري؛ څو له یادې ازموینې څخه محروم نه شي.
یادونه: د اړتیا په صورت کې کولای شي، چې د اکمال تخصص لوی ریاست له دې (0788209637) شمېرې سره اړیکه ونیسي او یا پیغام پرېږدي.
د اکمال تخصص لوی ریاست
۲/۲/۱۴۰۵ هـ ش
۵/۱۱/۱۴۴۷ هـ ق
