د تړون ورکړې خبرتیا!

د عقودو قانون او د دې وزارت لنډ مهالي اجرائیوي پړاوونو سره سم، له دې لارې ټولو ته خبر ورکول کېږي، چې د عامې روغتیا وزارت تدارکاتو ریاست په پام کې لري چې د دې وزارت اړوند ( د 1000 بستر ابن سینا ، 450 بستر جنگلک ، 100 بستر نوجوانان او د کوهدامن د روږدو درمنلې 20 بستریز روغتونونو د 1404 مالي کال لپاره د کمپلو برابرول او تدارک) چې د پېژندنې شمېره یې (MOPH/1404/NCB/G-2870)ده. د (مجیب عرفان لوژستیکي خدماتو) شرکت ته ورکړي، یاد شرکت (85463) ګڼې جواز لرونکی او اصلي موقعیت یې (کابل گردیز عمومي سرک، لوګر، مرکز پل علم کې دی. چې د تړون بیه (3,301,500) درې میلیونه درې سوه یو زره پنځه سوه افغانۍ ده.

د حقیقي او حکمي کسانو هر ډول نیوکو په صورت کې دوی کولای شي چې خپلې نیوکې په لیکلي بڼه د لاملونو په ذکر کولو سره د اعلان خپرېدو له نېټې تر دریو تقویمي ورځو پورې د عامې روغتیا وزارت د تدارکاتو ریاست اړوند اجناسو تدارکاتو آمریت ته، چې د عامې روغتیا په څلور لارې کې موقعیت لري، وسپاري.

دا خبرتیا د تړون د لاسلیک کولو په معنی نه ده او د پورته ذکر شوې مودې او د راتلونکو قانوني پړاوونو تر بشپړېدو به تړون نه لاسلیک کېږي.