د کندز ولایتي روغتون څخه لیدنه ترسره شوه
د کندز ولایتي روغتون څخه لیدنه ترسره شوه:
د عامې روغتیا وزارت مالي او اداري معین ښاغلي مولوي محمداسحق صاحبزاده دخپل ولایتي سفرونو په لړ کې دا ځل د کندز له حوزوي روغتون څخه لیدنه ترسره کړه.
ښاغلي مولوي محمد اسحق صاحبزاده او ورسره مل پلاوي یې د کندز حوزوي روغتون له مختلفو څانګو څخه لیدنه ترسره کړه او د روغتیايي کارکوونکو کارونه یې له نېږدې ولیدل.
همدارنګه ښاغلي مولوي صاحبزاده په کندز حوزوي روغتون کې د بستر ناروغانو سره ولیدل، ستونزې یې واورېدې او د حل په موخه یې مسوولینو ته لازمې سپارښتنې ترسره کړې.
د ناروغانو د پايوازانو سره د ليدنې پر مهال خلکو ډيره خوښي وښوده چې د دوۍ د ناروغانو لپاره اوس روغتيايي خدمت ښه شوي او مشران یې وخت پر وخت پوښتنه کوي.
