محترم مولوی عبدالولی حقانی، معین عرضهٔ خدمات صحی وزارت صحت‌عامه، و هیآت همراهش در جریان سفرشان به ولایت پکتیا، از شفاخانهٔ ولایتی این ولایت و مرکز صحی وزی ځدراڼ دیدار نمودند
محترم معین عرضهٔ خدمات صحی در جریان این دیدار، بخش‌های مختلف شفاخانه و روند ارائهٔ خدمات صحی را بررسی نموده و به‌منظور حل مشکلات موجود، توصیه‌های لازم را به مسئولان مربوط ارائه کرد.
همچنان، وی از بیماران داخل بستر احوال‌پرسی نموده و به کارکنان صحی توصیه کرد که در کنار رعایت برخورد مسلکی، به مشکلات بیماران به‌موقع رسیده گی کرده و برای بهبود کیفیت خدمات صحی تلاش‌های بیشتری به خرچ دهند.
