د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي د کارکوونکو چارو، تدارکاتو او مالي ریاستونه څخه لیدنه وکړه
په دې لیدنه کې د مالي او اداري چارو مرستیال، د خدماتو ارزونه وکړه، په ترسره کېدونکو خدماتو یې خوښي وښوده، مسؤلین یې تشویق او لا ښه خدماتو وړاندې کولو ته وهڅول او د شته ستونزو د حل په موخه یې ورته لازمې سپارښتنې وکړې.
دغه راز، ښاغلي مرستیال د یادو ریاستونو له بېلابېلو امریتونو څخه هم جلا جلا لیدنه وکړه، له کارکوونکو او مراجعینو څخه یې د ستونزو او چارو ترسراوي په اړه پوښتنې وکړې او د شته ستونزو د حل ډاډ یې ورکړ.
