در شفاخانه ۱۷۰ بستر ویژه تداوی معتادین در ولایت ننگرهار، به خاطر تکمیل روند تداوی ۵۰ تن از بیماران معتاد و سپردن آنان به خانواده‌های‌شان نشستی برگزار شد
در مراسمی که به همین مناسبت برگزار شده بود، الحافظ انعام‌الله عمار رئیس برنامه ملی تداوی معتادین وزارت صحت‌عامه، مولوی امین‌الله شریف رئیس صحت‌عامه ولایت ننگرهار، مسوولان ادارات مختلف دولتی، آمران نهادهای صحی، اعضای خانواده‌های بیماران تداوی‌شده و کارمندان صحی آن شفاخانه اشتراک داشتند
الحافظ انعام‌الله عمار رئیس برنامه ملی تداوی معتادین وزارت صحت‌عامه، در سخنرانی خود برای اشتراک‌کننده‌گان این نشست، از خدمات آن شفاخانه قدردانی کرد، تلاش‌های کارکنان صحی را ستود و اشتراک‌کننده‌گان را تشویق نمود تا در کنار امارت اسلامی، در مبارزه با مواد مخدر سهم فعال داشته باشند.
