با ریاست صحت عامه ولایت خوست، ۷ میلیون یورو کمک گردید

این کمک که از طرف اتحادیه اروپا به هدف تقویت بخش لابراتوار ریاست صحت‌عامه ولایت خوست و جلوگیری از بیماری‌های ساری صورت گرفته است، در جریان آن محترم عبدالقیوم روحانی والی خوست، ویرونیکا بوسکوویچ پوهار شارژدافیر اتحادیه اروپا در افغانستان، حضور داشتند.

شارژدافیر اتحادیه اروپا، هدف این کمک را تقویت خدمات لابراتواری و جلوگیری از بیماری‌های ساری عنوان کرد و وعده سپرد که در آینده نیز به همکاری‌ها و کمک‌های خود ادامه خواهد داد.

وی همچنان اطمینان داد، که اتحادیه اروپا به کمک‌های خود برای رسیده‌گی به نیازهای مهاجرین و ارائه خدمات اساسی به آنان ادامه خواهد داد.

والی خوست ضمن قدردانی از کمک‌های بشردوستانه اتحادیه اروپا، تأکید کرد که مردم افغانستان اکنون بیش از هر زمان دیگر به چنین کمک‌ها نیاز دارند.