د اکمال تخصص پروګرام د معیاري کولو په موخه د خیرخانې ۱۰۲ بستریز او استقلال تخصصي روغتونونو څخه څلورم پړاو نظارت ترسره شو

د ټرینر متخصصینو، ټریني ډاکټرانو د ستونزو او اکمال تخصص پروګرام د تشو ارزونې په موخه د اکمال تخصص لوی ریاست اړوند د عملیاتي چارو ریاست د څارنې ټیمونو د خیرخانې ۱۰۲ بستر او استقلال تخصصي روغتونونو څخه لیدنه تر سره او د یادو روغتونونو له رهبرۍ، د ښوونیز پروګرام له مسؤلینو، د ډیپارټمنټونو له مسؤلینو، متخصصو ټرینرانو او ټریني ډاکټرانو سره یې د اکمال تخصص پروګرام د معیاري کولو په اړه غونډه ترسره کړه.

یادو ټیمونو د تخصصي پروګرام د معیاري کولو، د اکمال تخصص لوی ریاست موخو ته د رسېدو او همدارنګه د مهمو موضوعاتو د ارزښت په اړه، چې په کې د Curriculum تطبیق لکه: علمي کنفرانس، Logbook، Bedside Teaching، Morning Report، Visit او Case Presentation شامل وو، خبرې وکړې، ځکه یادې موضوعګانې د ډاکټرانو د علمي کچې او مسلکي وړتیاوو په لوړولو کې بنسټیز رول لري.

د یادونې وړ ده، چې دغه بهیر د مرکز او ولایتونو په ټولو تخصصي روغتونونو او همدارنګه په متممو تخصصي مرکزونو (نظامي او خصوصي تخصصي) کې هم د تطبیق وړ دی.