په کابل کې د هوا ککړتیا د کنټرول په موخه د ملکیتونو څخه نظارت ترسره شو
د عامې روغتیا وزارت د چاپیریال روغتیا ریاست د هوا ککړتیا د تنظیم او کمولو امریت کارکوونکو له لوري د کابل ښار له بېلابېلو ملکیتونو څخه نظارت وکړ؛ د دې نظارت په ترڅ کې اړوند چک لېستونه ډک او د دې ملکیتونو له ټولو مسؤلینو څخه ژمنه واخیستل شوه، چې له دې وروسته به هېڅکله د لوګي د تصفیې له ماشین پرته فعالیت نه کوي.
سربېره پر دې، د یاد امریت له لوري د ملکیتونو مسؤلینو ته روغتیايي پیغامونه، تبلیغاتي پاڼې او د هوا ککړتیا کمولو لایحه ووېشل شوه؛ تر څو خپل فعالیتونه د چاپېریال روغتیا ریاست له معیارونو سره برابره کړي.
