د ظرفیت لوړونې ریاست له لوري د مرکز او ولایتونو مسلکي کارکوونکو لپاره پنځه ورځنی روزنیز سیمنار تر سره شو
د عامې روغتیا وزارت د کارکوونکو چارو لوی ریاست تر چتر لاندې د ظرفیت لوړولو ریاست د "Basic Emergency Care" تر عنوان لاندې د جوزجان، سرپل، کابل، ارزګان، دايکندي، زابل او بغلان ولایتونو ۲۰ تنو مسلکي کارکوونکو ته پنځه ورځنی روزنیز سيمنار ترسره کړ.
د دغه سیمنار موخه بېړنیو حالاتو ته د رسېدنې لپاره د روغتیایي کارکوونکو د مهارتونو پياوړي کول او د یادو ولایتونو په روغتیایي مرکزونو کې د بېړنیو خدمتونو ظرفیت لوړول دي.
