په بلخ، غور او جوزجان ولایتونو کې د روغتیايي او خوراکي تاسیساتو نظارت ترسره شو
د بلخ، غور او جوزجان ولایتونو روغتیايي مسؤلینو په دغو ولایتونو کې له یو شمېر درملتونونو، کتنځایونو، تشخیصیه کلینیکونو، د خوارکي موادو له تاسیساتو او عمده پلورنځیو څخه نظارت تر سره کړ
په دغه نظارت کې ۵ درملتونونه په غور ولایت کې د روغتیايي قوانینو څخه د سر غړونې له امله وتړل شول او ۱۳ قلمه له نېټې تېر او بې کیفیته خوراکي مواد په بلخ ولایت کې او ۲۰ قلمه له نېټې تېر خوراکي مواد په جوزجان ولایت کې راټول او د له منځه وړلو په موخه مرکزي ګدام ته ولېږدول شول.
همداراز، اړوندو مسؤلینو ته سپارښتنې وشوې، تر څو د عامې روغتیا وزارت د معیارونو سره سم خپل فعالیتونه تر سره کړي.
