د ا.ا.ا. د عامې روغتیا وزیر، ښاغلي مولوي نور جلال جلالي په خپل کاري دفتر کې د پکتیا ولایت زرمت ولسوالۍ قومي مخورو سره وکتل
په دې کتنه کې په زرمت ولسوالۍ کې د عمومي روغتون جوړېدو او د ولسوالۍ کچې روغتون د ارتقاء او تجهیزاتو اړوند بحث او خبرې ترسره شوې.
د زرمت قومي مشرانو ناروغانو ته په معیاري توګه د روغتیايي خدمتونو وړاندې کول مهم وباله او په همدې موخه یې د روغتیا وزارت له رهبرۍ څخه په یادې ولسوالۍ کې د عمومي روغتون جوړېدو غوښتنه وکړه.
د عامې روغتیا وزیر، ښاغلي مولوي نور جلال جلالي د قومي مخورو غوښتنې او وړاندیزونه واورېدل او د بشپړې همکارۍ او پاملرنې ډاډ یې څرګند کړ.
