د عامې روغتیا وزیر چین هیواد ته سفر تر سره کړ
د افغانستان اسلامي امارت د عامې روغتیا وزیر ښاغلی مولوي نورجلال جلالي په یوه نړیوال روغتیايي کنفرانس کې د ګډون او د روغتیا په برخه کې د دوه اړخیزو همکاریو د لا غښتلتیا په موخه تیره ورځ چین هیواد ته رسیدلی دی.
د عامې روغتیا ښاغلی وزیر مولوي نور جلال جلالي به د دې سفر پر مهال د کنفرانس د ګډون تر څنګ له ځینې روغتیايي مراکزو او روغتیايي مسؤولینو سره لیدنې هم ولري چې موخه یې د هیواد د روغتیايي سیستم لا معیاري کول او د اړتیاوو لپاره د نړیوالو سره هر اړخیزې همکارۍ ته زمینه سازي کول دي.
