د عامې روغتیا وزیر د کنړ ولایتي ۲۰۰ بستریز روغتون څخه لیدنه تر سره کړه
د عامې روغتیا وزیر، ښاغلي مولوي نور جلال جلالي کونړ ولایت ته د خپل سفر په ترڅ کې د ولایتي ۲۰۰ بستریز روغتون د نیمګړو چارو څخه د تکمیل په موخه لیدنه ترسره کړه
د عامې روغتیا وزیر، ښاغلي مولوي نور جلال جلالي یاد روغتون د کونړ او نورستان ولایتونو ناروغانو روغتیايي ستونزو ته د رسېدو او درملنې په برخه کې اړین وباله او په راتلونکي کې یې د دغه روغتون د تعمیر د نیمګړو چارو د بشپړېدو ډاډ ورکړ.
د نوموړي روغتون د تعمیر ۷۰ فیصده چارې بشپړې شوي او په راتلونکي کې به یې د هیواد د نورو نیمه پاتې پروژو تر څنګ نیمګړې چارې تکمیل او ګټې اخیستنې ته وسپارل شي.
