د عامې روغتیا وزارت د اکمال تخصص برنامې د ټرینر متخصصینو ۲۰۸ خالي بستونو لپاره د ازادې سیالۍ له لارې ازموینه واخیستل شوه
یاده ازموینه د ازموینو ملي ادارې له لوري د اکمال تخصص ریاست مسلکي کمېټې په مرسته د ۴۴۴ تنو متخصصینو څخه د داخله او جراحي پرنسیپونو په ۲۳ تخصصي څانګو کې واخیستل شوه، چې موخه یې د تخصص بشپړولو برنامې د ټرینر متخصصینو خالي بستونو ته د یوې شفافې پروسې په ترڅ کې د ټرینرانو ګمارل دي کوم چې د اکمال تخصص ریاست د پلان سره سم د ټریني ډاکټرانو د روزنې وړتیا ولري.
د یادونې وړ ده، چې د یادې ازموینې پاتې برخه (عملي برخه) به هم په شفاف ډول ترسره شي.
