د عامې روغتیا وزیر، ښاغلي ډاکټر قلندر عباد په خپل کاري دفتر کې د غور له والي، ښاغلي مولوي احمد شاه دین دوست سره لیدنه ترسره کړه
په دې لیدنه کې په غور ولایت کې د دې ولایت اوسېدونکو ته د روغتیايي خدمتونو پر وړاندې کېدو، د لرې پرتو سیمو اوسېدونکو ته د روغتیايي خدماتو په رسولو، د روغتیا په برخه کې په وروستیو پرمختګونو او د موجوده ستونزو د حل په موخه بحث او خبرې ترسره شوې.
د عامې روغتیا وزیر، ښاغلي داکټر قلندر عباد لرې پرتو سیمو ته د روغتیايي خدمتونو رسول له خپلو لومړیتوبونو وباله او ویې ویل، چې په همدې موخه په دې وروستیو کې د نورو ولایتونو ترڅنګ غور ولایت ته هم ځانګړې پاملرنه شوې او ګڼ شمېرروغتیايي مرکزونه په کې جوړ شوې او لا هم یاده لړۍ دوام لري
