د پکتیکا د روغتیايي خدمتونو د کیفیت د ښه والي په اړه د عامې روغتیا وزارت او ATOA مؤسسې ګډه ناسته ترسره شوه

د عامې روغتیا وزارت د څارنې او پلټنې لوی رئیس، مفتي عبدالقدوس هاشمي او مل تخنیکي ټیم پکتیکا ولایت کې د وړاندې کېدونکو روغتیايي خدمتونو له بهیر څخه د تر سره کړي نظارت په اړه د ATOA مؤسسې له مسؤل او تخنیکي استازو سره ناسته ترسره کړه

په دې ناسته کې د څارنې او پلټنې لوی رئیس د ATOA مؤسسې له مسؤل او تخنیکي استازو سره د ذکر شوي نظارت موندنې، د روغتیایي مرکزونو په لیدنو او له مراجعینو او ناروغانو څخه اورېدلې ستونزې شریکې کړې او د روغتیايي خدمتونو کیفیت لوړولو، شته ننګونو ته د حل لارو موندلو او د اړینو اصلاحاتو عملي کولو په اړه بحث او خبرې ترسره شوې.

همدارنګه، د ATOA مؤسسې مسؤل خپل وړاندیزونه، شته ستونزې او ننګونې له مفتي عبدالقدوس هاشمي سره شریکې کړې او نوموړي د یادو ستونزو او وړاندیزونو د حل لپاره لازمې لارښوونې او سپارښتنې ترسره او د روغتیايي خدمتونو پر کیفیت ښه والي یې ټینګار وکړ.