ارزګان ولایت کې د درې سوه اتیا زره ډالرو په لګښت د فيروشه روغتیایي مرکز جوړ او ګټې اخیستنې ته وسپارل شو
د دغه روغتیایي مرکز پرانیستې مراسمو کې د عامې روغتیا وزیر ښاغلي مولوي نور جلال جلالي، مل پلاوي، د ارزګان والي مولوي عبدالرحمن کندوزي، قومي مشرانو او د سیمې اوسېدونکو شتون درلود.
یاد روغتیایي مرکز (NEW CHC) چې په اړینو طبي وسایلو او او برېښنایي سیستم سمبال دی، د UNHCR په مالي لګښت په څلور زره متره مربع ځمکه جوړ شوی، چې په فعالیت سره به یې د سیمې اوسېدونکي له اړینو روغتیایي خدمتونو برخمن او ګڼې روغتیایي ستونزې به یې حل شي.
