۳۰۰ تنو بولاني پخونکو ته د خوړو خوندیتوب په اړه درې ورځنی روزنیز سیمینار پیل شو
یاد سیمینار د عامې روغتیا وزارت د خوړو او درملو معینیت له لوري د کابل ښار سرک غاړې خوراکي توکو پلورنکو (بولاني پخونکو) ته پیل شو، چې درې ورځې به دوام وکړي او ګډونوالو به په کې د خوړو خوندیتوب او روغتیا پاملرنې اړوند لازمې زده کړې ترلاسه کړي.
د خوړو او درملو معینیت د خوړو خوندیتوب لوی رئیس، ډاکټر نعیم الله ایوبي ګډونوالو ته د ښه راغلاست سربېره د یاد سیمینار په ارزښت ټینګار وکړ او له هغوی وغوښتل چې د هېوادوالو روغتیا ته د پاملرنې په موخه د یاد سیمینار په ترڅ کې زده کړي موضوعات عملي کړي.
