د ۱۴۰۴ هـ ش کال نوماندانو څخه ټرینري جامع نظري ازموینه واخیستل شوه
یاده ازموینه د اکمال تخصص لوی ریاست له لوري د ۱۴۰۴ هـ ش کال د عقرب میاشتې په سهشنبه، پنجشنبه او شنبې ورځو کې له (۶۶۷) تنو وړ نوماندانو څخه په ۲۳ بېلابېلو تخصصي برخو کې د آزادې سیالۍ له لارې په یو سالم او شفاف چاپېریال کې د اړوندو مسؤلینو په شتون کې د ازموینو ملي ادارې او عامې روغتیا وزارت اړوندو تخصصي روغتونونو د استادانو په همکارۍ، چې د پوښتنو د چمتو کولو په موخه په یاده اداره کې قرنطین وو، واخیستل شوه.
دغه ازموینه د مرکزي تخصصي روغتونونو، ولایتونو او متمم تخصصي مرکزونو (نظامي او خصوصي تخصصي روغتونونو) د ټرینرانو د بستونو کمښت پوره کولو لپاره د تجربه لرونکو او مسلکي ټرینر متخصصینو په وسیله د آنلاین ثبت نام تر بشپړېدو وروسته له وړ او په شرایطو برابرو نوماندانو څخه واخیستل شوه.
