د کونړ په مرکز اسعد اباد ښار کې له خصوصي روغتیایي او غیر روغتیایي سکټور څخه نظارت ترسره شو
یاد نظارت چې د کونړ عامې روغتیا ریاست د څارنې او پلټنې امریت له لوري د خصوصي روغتیایي او غیر روغتیایي سکټور څخه ترسره شو، پایله کې یې ۶۴ قلمه له نېټې تېر درمل او ۸۴۴ کیلو ګرامه بې کیفیته خوراکي توکي راټول او د له منځه وړلو په موخه مرکزي ګودام ته ولېږدول شول.
په دغه نظارت کې اړوندو مسؤلینو ته د کیفیت ښه والي او قانون مراعتولو په اړه لازمې سپارښتنې وشوې، چې د نه مراعتولو په صورت کې به له قانوني چلند سره مخ شي.
