د کندز ولایت په حوزوي روغتون کې د کتلوي معافیت حوزوي تعمیر او د تشخیصیه لابراتوار پرانیسته وشوه
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني له لوري کندز ولایت ته د سفر په ترڅ کې د یاد ولایت په حوزوي روغتون کې د کتلوي معافیت حوزوي تعمیر او د ریفرینس تشخیصیه لابراتوار پرانیسته ترسره او ګټې اخیستنې ته وسپارل شول
یادې دوه پروژې د ۳۷ میلیونه افغانیو په لګښت جوړې شوي، چې عصري او معیاري طبي تجهیزات لري.
د عامې روغتیا وزارت د روغتیايي خدمتونو وړاندې کولو مرستیال په کندز ولایت کې د دغه روغتیايي پروژو پرانیسته د روغتیايي سیستم د پیاوړتیا، روغتیايي خدماتو معیاري کولو او د ناروغانو روغتیایي ستونزو د حل په برخه کې یو اړین ګام وباله او ویې ویل، د ا.ا.ا رهبري او د عامې روغتیا وزارت هڅه کوي؛ ترڅو ټولو هېوادوالو ته د غوره درملنې په موخه اسانتیاوې برابرې کړي او په دې برخه کې هڅې روانې دي.
