د کابل ښار ۱۴مې ناحیې کې پر هوټلونو او خوراکي مرکزونو روغتیايي نظارت ترسره شو
د عامې روغتیا وزارت د چاپیریال روغتیا ریاست مسؤلينو له لوري د کابل ښار په ۱۴مې ناحیې کې له یو شمېر هوټلونو، نانواییو، قصابیو او د خوراکي او غیر خوراکي توکو شرکتونو څخه نظارت ترسره شو
په دغه نظارت کې د هوټلونو، نانواییو، قصابیو او د خوراکي او غیر خوراکي توکو د شرکتونو مسؤلينو او کارکوونکو ته د نظافت، حفظ الصحې ساتنې او مضرو وړانګو خوندیتوب په موخه اړینې لارښوونې او سپارښتنې وشوې او هم ورته ګڼ روغتیایي معلومات ورکړل شول.
دغه راز، د حفظالصحې چکلېستونه ډک او د هوټلونو، نانواییو، قصابیو او د خوراکي او غیر خوراکي توکو د شرکتونو مسؤلینو څخه د روغتیایي قوانینو پلي کولو او لازمو اصلاحاتو راوستلو په موخه لیکلې ژمنې هم واخیستل شوې.
