د کابل ښار په بېلا بېلو ناحیو کې له درملیزو تاسیساتو او خوراکي توکو پلورنځیو څخه نظارت ترسره شو
د عامې روغتیا وزارت د درملو، روغتيايي محصولاتو او خوراکي توکو د څارنې او ارزونې مسؤلینو د بیو د کنټرول، احتکار او انحصار د مخنیوي، د کیفیت تأمین او د روغتيايي قوانینو پلي کېدو په موخه د کابل ښار بېلا بېلو ناحیو کې له یو شمېر درملیزو تاسیساتو او خوراکي توکو پلورنځیو څخه نظارت ترسره کړ.
د یاد نظارت په ترڅ کې ۶۳ بابه تاسیسات وڅېړل شول، چې له ډلې یې ۲ بابه درملتونونه او د درملو يو عمده پلورنځی له روغتیايي قوانینو څخه د سرغړونې له امله وتړل شول او ۳۸ قلمه غیر مجاز جنسي درمل راټول او د له منځه وړلو په موخه مرکزي زیرمتون ته ولېږدول شول.
د عامې روغتیا وزارت مسؤلین د ټولو درملتونونو له مسؤلینو غواړي، چې د روغتيايي قوانینو په رعایت سره خپل فعالیتونه د نافذه لوایحو او مقرراتو سره سم تنظیم او دوام ورکړي.
