د کابل ولایت په یو شمېر ولسوالیو کې د ټولنې روغتیايي کارکوونکو لپاره د ظرفیت لوړولو درې ورځنی ورکشاپ ترسره شو
د عامې روغتیا وزارت د غیر ساري ناروغیو د مخنیوي او کنټرول ریاست له لوري د کابل ولایت په سروبي، چهار اسیاب او قره باغ ولسوالیو او هودخېلو سیمه کې د ټولنې روغتیايي کارکوونکو (CHW) د ظرفیت لوړولو په موخه یو درې ورځنی ورکشاپ ترسره شو.
په دې ورکشاپ کې ۵۵ تنو روغتیايي کارکوونکو ته د غیر ساري ناروغیو د مخنیوي، لومړني تشخیص، د ناروغانو راجع کولو او د غیر ساري ناروغیو د مدیریت په برخو کې روزنه ورکړل شوه.
د عامې روغتیا وزارت د غیرساري ناروغیو د مخنیوي او کنټرول مسؤل، ډاکټر محمد سمیع کریمي ټینګار وکړ، چې د ټولنې روغتیايي کارکوونکي د ناروغیو مخنیوي او کنټرول برخه کې حیاتي رول لري او له ګډونوالو یې وغوښتل، چې زده کړي میتودونه له خپلو همکارانو سره شریکې کړي.
دغه ورکشاپ په اغېزمنه تعلیمي محتوا او ښه چاپیریال کې ترسره او ګډونوالو ور څخه بشپړ رضایت څرګند کړ.
