د پنجشېر ولایت د روغتیايي مرکزونو ۳۶ کارکوونکو ته د مورزادي ناروغیو لرونکو نویو زېږېدلو ماشومانو د پاملرنې روزنه ورکړل شوه
د پنجشېر ولایت د روغتیايي مرکزونو ۳۶ تنو کارکوونکو ته د مورزادي ناروغیو (Congenital Anomalies) لرونکو نویو زېږېدلو ماشومانو د پاملرنې په اړه دوه ورځنی روزنیز پروګرام ترسره شو
دغه روزنیز پروګرام د روغتیايي کارکوونکو د ظرفیت لوړولو او د درملنې خدمتونو کیفیت ښه والي په موخه د پنجشېر عامې روغتیا ریاست له لوري د MOVE تطبیقوونکې مؤسسې په همکارۍ جوړ شو، په کې ګډونوالو د نویو زېږېدلو ماشومانو د مورزادي ناروغيو د تشخیص، پاملرنې او مدیریت برخه کې اړینې زده کړې ترلاسه کړې.
د پنجشېر عامې روغتیا ریاست مسؤلینو د معیاري روغتیايي خدمتونو د وړاندې کولو برخه کې د روغتیايي کارکوونکو د ظرفیت لوړولو پر اهمیت ټینګار وکړ او د دې ډول روزنیزو پروګرامونو جوړول یې د روغتیايي خدمتونو کیفیت ښه والي او د نویو زېږېدلو ماشومانو د روغتیا پیاوړتیا لپاره اغېزمن وبلل.
