د پروان ولایت د عامې روغتیا ریاست د کنفرانسونو تالار کې د روغتیایي مرکزونو د رواني روغتیا مشاورینو لپاره د رواني او ټولنیزو ملاتړونو او مشورو پیاوړتیا په موخه پنځه ورځنی سیمینار ترسره شو
د پروان ولایت د عامې روغتیا رئیس، ډاکټر نیازمحمد مخلص د دې پروګرام د جوړېدو له امله د آغا خان بنسټ څخه مننه او قدردانی وکړ او دا یې یو مهم او مثبت ګام وباله. نوموړي له ګډونوالو وغوښتل چې له دې فرصت څخه اغېزمنه استفاده وکړي او زده کړي مطالب کاري ساحو کې وکاروي.
بل لور د آغا خان بنسټ مسؤل، ښاغلي جواد وویل: «یاد سیمینار د پروان ولایت د روغتیایي مرکزونو د رواني روغتیا ۱۲ تنو مشاورینو لپاره جوړ شوی او پنځه ورځې به دوام ولري.»
