د نیمروز ولایت د عامې روغتیا ریاست له لوري په دغه ولایت کې د پنځو روغتيايي ځالو د جوړولو چارې پیل شوې
د نیمروز عامې روغتیا رئیس ملا عبدالرحمن “عبدالله” د یادو پروژو د پیل په مراسمو کې ویلي، چې دغه مرکزونه د خاشرود او دلارام ولسوالیو اړوند په دیوالک، ګرو، شاګي او خروارو سیمو کې د (UNFPA) په مالي ملاتړ د ۳ ميليونه ۵۰۰ زره افغانیو په لګښت جوړیږي، چې نسایي او ولادي خدمتونه به په کې وړاندې کېږي.
نوموړي زیاته کړه، چې په یادو روغتیايي ځالو کې به د سيمې شاوخوا ۱۲ زرو ناروغانو ته د امیندوارۍ اړوند خدمات وړاندې کېږي.
