د عامې روغتیا وزیر د مختلفو ولایتونو د عامې روغتیا له رئیسانو سره وکتل
د افغانستان اسلامي امارت د عامې روغتیا وزیر ښاغلي مولوي نور جلال جلالي په خپل کاري دفتر کې د لغمان ، بدخشان او لوګر ولایتونو د عامې روغتیا له رئیسانو سره لیدنه تر سره کړه
په یاده لیدنه کې د نوموړو ولایاتو د ولسونو لپاره د روغتیایي خدماتو پر ښه والي او د تطبیق کوونکو مؤسساتو له لوري د وړاندې کیدونکو خدماتو پر څرنګوالي خبرې تر سره شوې
د عامې روغتیا وزیر مولوي نور جلال جلالي د یاد شویو ولایتونو رئیسانو ته سپارښتنه وکړه تر څو ولسونو ته د خدماتو پر برابرولو کې لا هڅې ګړندۍ او شته امکانات په ښه توګه د ولسونو لپاره استفاده کړي.
