د عامې روغتیا وزارت له لوري د بلخ ولایت په چهار بولک ولسوالۍ کې د یو روغتیايي مرکز پرانیسته ترسره او ګټې اخیستنې ته وسپارل شو
په همدې موخه جوړو شویو مراسمو کې د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د یاد روغتون په پرانیستې خوښي څرګنده کړه او د اړمنو هېوادوالو روغتیايي ستونزو د حل په برخه کې یې یاده چاره یو نېک ګام وباله.
یاد روغتون د ۵۰ زره ډالرو په لګښت د بلخ ولایت چهار بولک ولسوالۍ په نوارد قلعه کلي کې جوړ شوی، چې په مرسته به یې د یادې سیمې نږدې ۱۲۵۰۰ اوسېدونکو روغتیايي ستونزو ته رسېدنه کېږي.
