د عامې روغتیا وزارت د معلوماتي ټکنالوژۍ رئیس، انجینر احمد جاوید وفا او مل تخنیکي ټیم ننګرهار ته د سفر په ترڅ کې د یاد ولایت د عامې روغتیا له رئیس سره لیدنه وکړه
په دې لیدنه کې د شبکې زیربنا د سروې، د لیزلاین تطبیق او همدارنګه د معلوماتي ټکنالوژۍ برخه کې د ستونزو او وړاندیزونه په اړه بحث او خبرې تر سره شوې.
همداراز، دغه پلاوي د شبکې زیربنا د بشپړې سروې په موخه د ننګرهار ولایت د کامې او خوګیاڼي ولسوالیو له روغتیايي مرکزونو او د کابل ولایت د سروبي ولسوالۍ له کلینیک څخه هم لیدنه وکړه او د یادو روغتیایي مرکزونو ستونزې، په ځانګړي ډول د شبکې، انټرنیټ، امنیتي کامرو، د فیس اخیستنې سیستم او برېښنايي حاضرۍ سیستم په برخه کې وڅېړلې، په دې برخو کې یې د اړوندو مسؤلینو نظرونه او وړاندیزونه واورېدل او د حل منطقي لارې چارې یې ورته وړاندې کړې.
