د عامې روغتیا وزارت د مالي او اداري چارو مرستیال د قطر هیواد له لوري د عامې روغتیا وزارت سره د طبي تجهیزاتو او څلور عرادو امبولانسونو تر سره شوې مرسته د افغانستان لپاره د قطر هیواد له شارژدافیر ښاغلي دوکتور مردف القاشوطي څخه تر لاسه کړه
د افغانستان اسلامي امارت د عامې روغتیا وزارت د مالي او اداري چارو مرستیال ښاغلي ملا بخت الرحمن شرافت د قطر هیواد له لوري د عامې روغتیا وزارت سره د طبي تجهیزاتو او څلور عرادو امبولانسونو تر سره شوې مرسته د افغانستان لپاره د قطر هیواد له شارژدافیر ښاغلي دوکتور مردف القاشوطي څخه تر لاسه کړه
په یادو تجهیزاتو کې چې څلور عرادې مجهز امبولانسونه ،د داخله او جراحي د برخو بیلا بیل عصري تجهیزات او د لپراسکوپیک جراحۍ وسایل شتون لري ،عامې روغتیا وزارت ته وسپارل شول ، ښاغلي مرستیال د قطر هیواد له لوري د شوې مرستې مننه وکړه او په وینا یې هڅه کوي د هیواد د روغتیايي سیستم د ښه والي په موخه د خپلې داخلي بودیجې او نړیوالې همکارۍ په مټ د روغتیايي خدماتو وړاندې کولو لپاره لا عصري او پرمختللي تجیهزات برابر کړي.
