د سره صلیب نړیوالۍ مؤسسې (ICRC) له لوري د پکتیا سیمه ییز روغتون سره د یو شمېر طبي او غیر طبي تجهیزاتو مرسته شوه
د پکتیا د عامې روغتیا رئیس، ډاکټر معراج ګل عادل وویل: ( دا مرسته د عامې روغتیا ریاست د غوښتنې او د سیمه روغتون د اړتیا پر اساس د سره صلیب نړیوالې ټولنې له لوري شوې، چې نن ورځ یې د تسلیمۍ شاهدان یو).
په دې تجهیزاتو کې د عملیاتونو مجهز میز (OT Table)، Patient Manitor، جراحي سیټونه او د بېړنیو پاملرنو وسایل شامل دي، چې ارزښت یې سل زره ډالر کېږي او د روغتیايي خدمتونو په پیاوړتیا کې اساسي رول لري.
