د روغتیايي خدمتونو وړاندې کولو مرستیال پنجشیر ولایت ته د خپل رسمي سفر په لړ کې د دغه ولایت له والي سره وکتل
د افغانستان اسلامي امارت د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبد الولي حقاني او ورسره مل پلاوي پنجشیر ولایت ته د خپل رسمي سفر په لړ کې د دغه ولایت له والي، الحاج حافظ محمد آغا حکیم سره وکتل
په دې کتنه کې په پنجشیر ولایت کې د روغتیايي خدمتونو په لا ښه کېدو، د نویو روغتیايي مرکزونو په جوړېدو او روغتیايي پراختیا بحث او خبرې ترسره شوې.
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د خپل سفر د موخې په اړه وویل: “راتګ مو دې ولایت ته د روغتیايي خدمتونو ارزول دي؛ ترڅو ستونزو ته حل لار پیدا او روغتیايي خدمات پیاوړي کړو”.
د پنجشیر والي حافظ محمد آغا حکیم د روغتیا وزارت رهبرۍ ته د ښه راغلاست ویلو ترڅنګ د ولایتي روغتون د پاتې چارو د بیا پیل غوښتنه وکړه او د ستونزو د حل په موخه یې ورسره یو شمېر وړاندیزونه شریک کړل.
د روغتیايي خدمتونو وړاندې کولو مرستیال په روغتیايي برخه کې د ستونزو د حل او وړاندیزونو او غوښتنو ته د رسېدنې په موخه د بشپړې پاملرنې ډاډ ورکړ.
