د روغتیايي خدمتونو وړاندې کولو مرستیال د اړوندو ریاستونو له مسؤلینو سره د همغږۍ ناسته ترسره کړه
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني په خپل کاري دفتر کې د اړوندو ریاستونو له مسؤلینو سره د همغږۍ ناسته ترسره کړه
په دې ناسته کې د اړوندو ریاستونو مسؤلینو د تېرو دریو میاشتو په ترڅ کې د ترسره شویو فعالیتونو او لاسته راوړنو راپور وړاندې او د عامې روغتیا وزارت د روغتیايي چوپړتیاوو له مرستیال سره یې د شته ننګونو د حل او په روغتونونو او مراکزو کې د غوره خدمتونو وړاندې کولو په موخه خپل نظرونه او وړاندیزونه شریک کړل.
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د روغتیايي برخې د پیاوړتیا په موخه د مسؤلینو نظرونه او وړاندیزونه واورېدل او دې برخې ته یې د لا زیاتې پاملرنې ډاډ څرګند کړ.
نوموړي دغه راز په سمه توګه د چارو پرمخ وړلو لپاره همغږي اړینه وبلله او په همدې موخه یې د مسؤلینو ترمنځ په لا زیاتې همغږۍ ټینګار وکړ.
