د ثالثي روغتیایي خدمتونو د ارقامو راټولولو لپاره نوې فورمې او میکانیزم د (Tertiary Complementary -HMIR) په نوم جوړ او زر به په روغتونونو کې عملي شي
د عامې روغتیا وزارت د څارنې او پلټنې لوی ریاست له لوري د ثالثي روغتیایي خدمتونو د معلوماتو راټولولو لپاره یو نوی میکانیزم او فورمې جوړې او په همدې موخه د کابل ښار د لسو تخصصي روغتونونو ۳۵ تنو سرطبیبانو، د HMIS افیسرانو او د اړوندو څانګو ټرینر متخصصینو ته د ظرفیت لوړونې په موخه درې ورځنی ورکشاپ ترسره شو
د څارنې او پلټنې لوی رئیس، ډاکتر عنایتالله عنایت د یادې برنامې د پرانیستې پر مهال د TC-HMIR فورمو پر اهمیت، د وزارت د ستراتیژیکو لومړیتوبونو پر بنسټ د دقیقو معلوماتو راټولولو، اړتیاوو او د روغتیایي سیسټم د شفاف مدیریت او شواهدو پر بنسټ د پرېکړو د اهمیت په اړه تفصیلي څرګندونې وکړې.
