د ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د افغانستان لپاره د ایران له سفیر، ښاغلي علي رضا بیکدلي سره لیدنه ترسره کړه
په دې لیدنه کې چې د بامیان ولایت والي ملا عبیدالله سرحدي، د بامیانو ولایت قومي مخورو او یو شمېر نورو مسؤولینو هم شتون درلود، د افغان روغتیایي کارکوونکو پر ظرفیت لوړونې، عمومي روغتونونو ته د طبي تجهیزاتو برابرولو، د کابل افشار او بامیان ولایت کې جوړیدونکو روغتونونو د چارو پر څرنګوالي، سرطان او ځینو نورو مهمو طبي برخو کې د روغتیايي کارکوونکو د ظرفیت لوړونې په اړه بحث او خبرې ترسره شوې.
د عامې روغتیا ښاغلي وزیر، د روغتیایي کارکوونکو ظرفیت لوړونې، طبي تجهیزاتو برابرولو، افغانستان ته د باکیفیته درملو او عصري طبي تجهیزاتو را واردولو، د هواد په داخل کې د واکسین پر تولید، د کابل او بامیان ولایت د جوړېدونکو روغتونونو پر څرنګوالي مفصلې خبرې وکړې.
بل لور، د ایران هېواد سفیر ښاغلي بیکدلي روغتیا برخه کې د همکارۍ ډاډ څرګند او د دوامداره همکارۍ ژمنه وکړه.
