د ا.ا.ا د عامې روغتیا وزارت یو پلاوي د درملو کیفیت ښه والي او تجربو ترلاسه کولو په موخه د ترکیې هېواد د درملو د تولید له یو شمېر فابریکو څخه لیدنه وکړه
د عامې روغتیا وزارت د درملو او روغتیايي محصولاتو د تنظیم لوی رئیس، الحافظ ډاکټر نعیمالله ایوبي او مل پلاوي د یوه رسمي سفر په ترڅ کې د ترکیې هېواد استانبول ښار په صنعتي پارکونو کې د My Pharma – Humanis، Poli Pharma او AIS Pharma د درملو جوړولو له فابریکو څخه لیدنه وکړه.
په دې لیدنه کې چې د ترکیې هېواد همکارانو هم د عامې روغتیا وزارت د پلاوي ملتیا کوله، د دې سفر موخه یې د یادو فابریکو له تجربو او معیارونو څخه زده کړه او په افغانستان کې د هغو پلي کول وبلل، تر څو د هېواد خلکو ته په مناسب قیمت، لوړ کیفیت لرونکي درمل برابر شي.
د یادونې وړ ده، د عامې روغتیا وزارت ژمن دی، چې د نړیوالو معیارونو سره سم د هېواد دننه د درملو د تولید فابریکې رامنځته کړي، تر څو خلکو ته د کار زمینه او باکیفیته درمل برابر شي، چې په دې برخه کې هڅې روانې دي.
